كام سنة عدوا وشوف كام عيلة تابعوا الحكايات ليلة بليلة
أيام كانت والله جميلة وسابت جوا قلوبنا علامة
حكايات لسا في روحنا نفسها لمتنا وحبينا ونسها
حافظينها بترتيب أحداثها كلنا بنحبك يا دراما
كام سنة عدوا وشوف كام عيلة تابعوا الحكايات ليلة بليلة
أيام كانت والله جميلة وسابت جوا قلوبنا علامة
حكايات لسا في روحنا نفسها لمتنا وحبينا ونسها
حافظينها بترتيب أحداثها كلنا بنحبك يا دراما
مين ينسى زيزينيا ومين ينسى ليالي الحلمية
بابا عبده وجمعة الشوان او هو وهي
ارابيسك اتعشق في خيالنا ولا راح من بالنا
والراية البيضا وابو زيد في السيرة الهلالية
هجان وياه قولنا تعيشي دايما يا بلدنا
مال إيه يا بنون دة المال زايل عمره ما ينجدنا
حواديت لو تتعاد 100 مرة لسة بتسعدنا
درامتنا حتفضل عايشة لسنين وسنين جاية
كام سنة عدوا علينا ولسة بدل القصة فيه مليون قصة
درامتنا المصرية منصة والكل إتجمع حواليها
الدنيا بتعشق حواديتها ساعة الحلقة شوف لمتها
دي الإبرة حتسمع رنتها حواديتنا الناس بتعيش فيها
كام سنة عدوا علينا ولسة بدل القصة فيه مليون قصة
درامتنا المصرية منصة والكل إتجمع حواليها
الدنيا بتعشق حواديتها ساعة الحلقة شوف لمتها
دي الإبرة حتسمع رنتها حواديتنا الناس بتعيش فيها
مين فينا حينسى حمادة عزو وماما نونا حبيبته
وهوانم جاردن سيتي يا زمان حنينا لسيرته
أوراق مصرية تفكرنا بأيام عشناها
والعيلة وأبو العلا كان بشري وكان سابق وقته
هند ودكتور نعمان دخلت قلبتله حياته
حيرم وشرارة دة غير كابتن ميزو وقفشاته
وونيس اللي كتير ياما عشنا معاه في يومياته
مين لم الشمل يا ناس غير الشاشة المصرية
الشاشة المصرية الشاشة المصرية
