كانت بتجيله في مواعيدها وتغني وتضحك وياه
كتب فيها شعر وكان مكسور بكل بساطة راحت وزناه
دور على كل المتأجل تلاقيك كنت عليه مستعجل
الدنيا مابتحبش متسربع بتحب اللي بيهدها ويتأنى
والعايز لازم يستنى إما يتوه أو يتبرجل
علشان مفيش مشكلة
علشان كل شيء ماشي بسهولة
والحاجات قد بعض ومعقولة
علشان حلّت نفسها المسألة
القصة بقت متكعبلة
مل الأمل مني
لقاني مستني قالي كفاية بقى
كل اللي بينكم فراق منين هايجي اللقا
ولا وحشتك .. ولا حاجة
اللي بينا أًصلا مالوش قيمة
ورجوعك ليا سببه واضح
شبه رجوع المجرم لمسرح الجريمة
صقفة عالية ضله شاردة
بعد تصقيف الجميع
صقفة زايدة بس قاصدة في الهوا تطلع تضيع
أنا جايز أحلم وياكي بحاجات مش ممكن تتحقق
لو عقلي رافض تخاريفنا
يكفيني إن أنا قلبي مصدق
