الصنف الطيب مليني؟
اي حاجه بترضيني ,
السواد تحت العين هريني وحزني دا مش بإيدي
قولت لصحبي اسقيني ! قام سقيني المُر
من برايا حتت تلج, ومن جوايا حتت فُرن
مريض بحسن ظني , عشان كدا مستحليه ضربي
مش هتصدق يصحبي , انا الزعل دمرني
ف الدنيا دي الناس الوانها متشكله , انا احترت
فالاوضه لوحدي وبعلو صوتي قولت "انا تعبت اوي يارب "
مرتحتش ، بقيت اسب مله ودين لقلبي
انصحني وقولي اذاي اعيشها فـ كل دا لوحدي؟
اندهلي , ودغدغ دماغي بالحديدة
دا بعد ١٢ ييجي قلبي يقول لعقلي انا بحن ليها
ياعم يلا , محدش حاسس بالي انا فيه
ومش لاقيني طب خد السواد دا , من عيني واخفيه
النهارده عيد ميلادي ,ومتقليِيش كل سنه وانت زفت
يوم اسود يوم منزلت الدنيا الي مشوفتش منها حته حلو
امسحني ؟ قلبي آخرو يتحط فـ اخزخانه
ربنا أداني كل الزعل وخد مني الابتسامه
علي رأيك يـ شيبا ، معدش في راجل يصونك
الحريم عن الرجاله ، دا حتي الرجاله هتخلص فلوسك
كنت بخرج اتمشي لوحدي ,فوسط مشكلي
قولت هغير جو بس جو الدنيا للاسف سحلني
متعملتش بالحسنه , لا عملوني كروديا (سزاجه)
وبقولها علني "مشوفتش يوم حلو فيكي يا دنيا "
...
طب ياعم قولي ؟ اذاي اعيش مرتاح ؟
اذاي أواجه كل دا بطولي وارمي كل الي فات ؟
اذاي ارجع كويس , وانا بعيط بالساعات ؟
اذاي اكون بطولي و اخويا الي كنت بتسند عليه مات؟
..
تبقا عبيط ! لو كنت فاكر الدنيا وردي
دا حته مكبرش سني , والزعل كبر ملامح شكلي
ومش بأوفر بس الدنيا عملت ما في الكفايه
اذاي كملت التسعتاشر ومحدش فضل معاايا
غاني عن التعريف , وانا من جوايا نضيف
بس اكل العيش مسكني مقشه وخلاني اكنس الرصيف
بلاش تركز ف سواد عيني , كلو يركز ف حالو
دول شالو لقب الحزن وحطو " محمود رمضان" مكانو
خلاص امسحني ؟ قلبي آخرو يتحط فـ اخزخانه
ربنا أداني كل الزعل وخد مني الابتسامه
علي رأيك يـ شيبا ، معدش في راجل يصونك
الحريم عن الرجاله ، دا حتي الرجاله هتخلص فلوسك
