شفتك عرفت قوام
إنه مع الأيام
هتبقى بينا حكاية
و اما بدأنا كلام
مابقتش باعرف أنام
و سكنتي جوايا
و بقيت باعيش أحلام
ماشفتهاش ف منام
و أنتي ويايا
ما هو انتي قلب كبير
عليا وش الخير
و ف الجمال آية
من حظي إني قابلتك انتي/ من بين كل الناس
و بقيتي مالكة كل عمري / و ملكة الإحساس
ما أنا شفت ف عينيكي حياتي / بكرة أحلي كتير
و اخترتك انتي م الحياة دي/ م الليلة جنبي خلاص
🎼🎵🎵🎵🎵🎵🎵🎵🎵🎵🎵🎵🎵🎵🎵🎵
قبلك حلمت بإيه ؟!
فيكي أنا ملاقيه
و اكتر كمان بزياده
ما الحلو بتحليه
و المر بتنسيه
ازاي كده ببساطه
و أنا ف حضنك ايه ؟!
ف الدنيا أفكر فيه
ده أنا طاير م السعاده
باوعد عيونك دول
هافضل معاكي على طول
يا ملكة فوق العاده
من حظي إني قابلتك انتي/ من بين كل الناس
و بقيتي مالكة كل عمري / و ملكة الإحساس
ما أنا شفت ف عينيكي حياتي / بكرة أحلي كتير
و اخترتك انتي م الحياة دي/ م الليلة جنبي خلاص
