اخوي لو ما فتح مشاكلي معاك حتكون شخصيه
اهلنا بونه مابنرضى احناك وهميه
جدي زمان وصاني تباري الجداد بتمسك ظوط
اثبت للبجيبا الريح مره واحده خليها تجوط
بغيب كتير.. مزيكتي بتطلع صاح
طير مهاجر ماكلب نباح
ما بحب اقول انا المكن مصنوع في يد المان
بحب اقول واوصف كيف ضحكة الشهيد مروان
دقة شفاته. ما اولد عيال ميكي
سمع راستات كلام مكتوب في حيط الكيكي
ياحِله اصحي.. دروبي نازل في بوشنكي
بطلع غتاته وشير الشغل دا هسي
جمهوري بجيني عطشان عايز مزيكا
وانا بنتج ليهو وارويهو مانا ليهو سيدا
عايز امشي بحري. اقضي الليل
بجُك في امدر في شارع الوادي راكب الخيل
ملامحي مابحب استوهم. اصليه بحته
صوت مسموع. قوة زغرودة الساعه واحده
زمان بتسمعني مجان وهسي بتسمعني بقروش
المستور عندالله كاشف وبان الكان مدسوس
عودي ما اتكسر عودي راني مزك خام
في قضايا الشارع سندال رافع تمام
غناي لي ناس. بسمعوا الكوبا ما وسخ الاضان
سافهين باقي راب بلدنا العباره عن الحان
كلام في شكل غنا بتقال في دندنه
سمعت ليك حروف بيتمناها اللحن مُنى؟
الناس الزمان عاملين تقال كيفنكم؟
بقلع حزامي دا وبجلدكم جوه بيتكم
ماتجوني هسي زحو مني ميتينكم
زمان سافهين وهسي راقدين علي كيفكم؟
البارات دي عااابره. واصله الفضا
بشتاق لي هواي مرات مرات في الشتا
ياني البخش القش.. وما بقول كش
لعاب لكن مكوبس احمد حامد التش
اسبوع طويل ملان اوهام وجرحات
نص يوم معاك والباقي للساده المدامات
بغبشن فيك بردمك بصرفا ليك ياميتين
ركزتا في عيونا وانا شغال لقيتهم مقلوبين
كان حتكتم حتولع ساند الحديد شوفان
لو ما العساكر قفلوها كان حاكون خليفة الجان
