احلي صباح ف الدنيا احلي حاجه يوم ماعرفتك

اجمل حاجه ف الدنيا لما ي نن عيني شوفتك

ببقى قصاد عينك بدوب و ماحسش الا لمستك

فانا مش بعيش دنيا البشر انا بس عايش دنيتك

وامشى فعيونك ١٠٠ طريق ليهم بريق بيهم بشوف

ليه لما اشوفك باترعش فابتوه و اتهته كوم حروف

ده لسانى ده لو طال يقول كان قال كلام يعمل عمل

على اد ان الكون سواد لكن عيونك باب امل

ياللى انتى حضنك فـ الشتا مليون غطا او كون دفا

علمتى قلبى فـ دنيتك لو دق نبض يكون وفا

علمتى عينى تبصلك تتشدلك تطرح رموش

فعينيكى ليه بنسى المكان لو بينا ناس مابيتشافوش

معرفش ليه بحتاج اوى ألمس كفوف ايدك فاعيش

واتمنى اللحظه دىيي.. تفضل سنين و ماتنتهيش

نغزة خدودك جوه وش بتبانلى عش ساكنُه انا

لو كنتى حلم انا بحلمه هفضل نايملك ١٠٠ سنه

تسمحيلى .. تضحكيلى .. تفتحيلى .. باب جديد

تشرحيلى .. توصفيلى .. ترقصيلى .. فـ كون بعيد

لفى ايدك .. لفى ايدى .. جرى دمك .. بين وريدى

بس لسه الرقصه ناقصه .. كلمه تملى الليله عيد

2V : Mohamed KaPo

كل حاجه فيكى حلوه .. طب قوليلى ابص فين

نفسى لما اشوف جمالك .. يبقى ليا ألف عين

عليا النعمه انا بحبك عليا النعمه بدوب ⁦

عليا النعمه انا بحبك و فقلبى هواكي مكتوب

انا اشتقتك فهاخد بس من وقتك يادوب حضنين

ومهما الدنيا عاندتنا هنفضل دايما ثابتين

شقيلى فيكى وريد .. وانا هجرى جواكى

حضنك عنب عناقيد .. و انا إيد بتهواكى

تعالى نشغبط اللوحه و نرسم تانى بيت موجود

نراعى النسبه و الالوان نوضح كل شيء مقصود

نعد عددنا على ايدك انا و انتى كيان معدود

مقدرش اعيش منغيرك دنا منغيرك اموت

والقلب لما يلين .. احسبله دقاته

الحضن للعاشقين .. واللى اختشوا ماتوا

يا ننى يشوف بدالى الكون وبالاحساس يورينى

كفايه عليا لو نظره لاخر عمرى تحيينى

يا نسمه فى فجر بيشقشق ساحبنى هواكى انى اعشق

لو حبك ده بحر كبير ف انا مستعد اغرق

و ادوب فى العشق وياكى يا راسمه الدنيا جواكى

انا مستحيل انساكي, يروحي تروح حياتي فداكي