غابة الدّني فيها القوي خلّيك

واللي ما زحلك.. أوعك تْزِحلو

يلّي بْزَمانو فكّر يْبَكّيك

بْلحظة فرح ممنوع تفرحلو ..

بالرغم من ظلم الدني عيشا

ومش هم تحفظ طعمة الغَصّة

الإيد اللي بَدّا تنفش بْ ريشا

منّي نصيحة من الجذر قصّا

بْعُمرك ما تسأل هالدّني : "طب لَيش"؟

بِتضُر لما بْ تنجبِر تنفع

وعادي بإنّك تنصدم ....مَعلَيش

الضربة اللي ما بِتنَزِّل بْتِرفع ..!

طيبة شعورك لا بقا تعيدا

تْعَلَّم تكون كتير عدواني

الدنيي علَيك انْ طوّلِت إيدا

إيّاك تبرم خدّك التاني ..!