فـ مرة واحد صاحبي جيه سألني سؤال
? قالّي لو زعلت ازاي يتغير بيا الحال
كان ردي مترتب مُقنع لـ درجة كبيرة
اسمع انتَ بس مني مـ الخطوة الاولى للأخيرة
هتعمل كُل حاجة تحبها حياتك مش هتقف
خليك واعي و مفتح متسبهاش للصُدف
مش محتاج اقولك مين سابك ومش لازم ترجعله
خليهم يولعوا محدش يستاهل تولعلُه
و اسأل نفسك ليه تستاهل تكون بتدمع
على حد محسش انك غايب و لـ قلبك ودع
حسسهُم انك عايش مرتاح من غيرهم
و حياتك احلى لوحدك عن ما تكون مبينهم
و مدام من قلبك عملت كُل الخير
فـ يوم هيعودوا لما يحسوا عذاب الغير
هيقولوا كلام و اعذار يحننوا قلبك بيه
شوف كلامهُم و اضحك ومتردش عليه
بيبقى نفسك تنسى و في حاجات متتنسيش
مفيش اصعب من حال واحد عالوهم بيعيش
كلهم قدروا ينسوا و يعيشوا الا انت
حبيت بجد بقيت كئيب و اديك بتحكي للأچندة
سابني و مشي بعد ما صدق كل الكلام
كان زي حالاتي بيحب و جدع فـ بيتساب و عادي
?سألت نفسي هو انا اصلاً بعمل بـ كلامي
كان ردي لا بس من ضمن احلامي
اصلك ياللي سايب عُمر ما تحس وجع متساب
عشمته بالجنة و فجأة نورك غاب
و لسه عامل زي الجبل عِمري ما انحنيت
هفضل قدامكم بضحك و اروح اعيط فالبيت
الدُنيا سيما و الطيبة دي موضة قديمة
يا تكون بطل فالفيلم يا يكون ملكش قيمة
كومبارس فـ مشهد من حيات حبيب
كُنت فترة عندُه قالك كفاية مفيش نصيب
مسيري افوق و اتعلم من سوء الاختياز
بيقولوا عادي و انسى بس ايديهم مش فالنار
الحُب مش اختيار والنسيان دا مش بـ زرار
شوف كام مرة كان نفسك تبعد و رجعت فالقرار
بيبقى نفسك تنسى و في حاجات متتنسيش
مفيش اصعب من حال واحد على الوهم بيعيش
كلهم قدروا ينسوا و يعيشوا الا انت
حبيت بجد بقيت كئيب و اديك بتحكي للأچندة
جوا دولاب الذكريات موجود صور و كتير حاجات
ضحكة مش مالقلب و ضحكة ندم على عمر غاب
كل اللي ظلم ساب مسيره فـ يوم يعود
بس هل هكون موجود
و هل هكون مسامح؟
