و دي سُنة الحياة كُلنا فـ يوم نفترق
القلب حب لكن لما حب غرق !
هبدأ محتاجش لحد و ابطل افكر فـ اللي بعِد
و يسيبني ليه بعد ما كُنت لِيه انا سند !
حكايات زي الافلام ليه الحُب اكبر خيال !
ليه بتحب كلام الحُب و هو فـ الآخر كلام !
اخطفيني لـ دُنيا تانية و رجعيني من غير قلب
دايما بنندم على الحُب لما يضيع الوقت
ليه كُل الناس بتنسى و انا منساش اللي بينساني!
ليه عشان اتحب اهمل فيكوا و اكون اناني !
مش عارف اوصف احساسي بـ اني كرهت كُل حاجة
مبقيتش عايز احب عشان الحُب وجع بـ زيادة
كُنت عايز لما احضُنها اني الاقي لو حتى اجابة
عايز حد يفضل جنبي و نحس بالسعادة
لحد امتى هفضل اكدب و اقول اني مرتاح
لحد امتى هفضل اشكي لـ نفسي و نندم عاللي راح!
داري من عيونك دمعة نازلة من عينيك
بطّل تعافر عاللي راح و صدّق انُه مكانش ليك
نفسك بس اللي ليك من بين كُل العيون
بطّل تحضُن صورتها و انتَ نايم كُل يوم
داري من عيونك دمعة نازلة من عينيك
بطّل تعافر عاللي راح و صدّق انُه مكانش ليك
نفسك بس اللي ليك من بين كُل العيون
بطّل تحضُن صورتها و انتَ نايم كُل يوم
صعبة كُل كلمة تكون حاسسها انها تتقال
صُحابك اهلك فين ! اهُم عايشين و مش فـ البال
انك بتحاول توصل لـ اللي ياما حلمت بيه
تقع تفضل تقوم و هوَّ دا انكتب عليك
و اقرب ما ليك يحاربك، لما تقع يرفض يساعدك
تقف قصاد مرايتك تسأل مين ساعتها جنبك ؟
و تسرح فـ السطور اللي مش واضحة فـ رسالتك
و لما تبعد تبدأ تفهم انك كُنت عايش لوحدك
بتلف بينا ايام بتجيبنا و تودينا
بعمل كُل الصح و كُل غلطة ببقى فيها
بنتولد فـ لفة، و لما نموت بنموت فـ لفة
و ادينا بنعيش يومين بناخد فيهُم بس لفة
قولولي لما اموت مين فيكُم هيفتكرني !
مين فيكوا عملّي حاجة يقدر بيها انُه يواجهني !
طول عُمري جنب الحيط مكنتش من المدمنين
ربنا يكفيكُم شر اللي بيدمن بني آدمين
داري من عيونك دمعة نازلة من عينيك
بطّل تعافر عـ اللي راح و صدّق انُه مكانش ليك
نفسك بس اللي ليك من بين كُل العيون
بطّل تحضُن صورتها و انتَ نايم كُل يوم
كام مرة اتباعت، كام مرة محدش حس بيك
كام مرة اترجيت قلبك ميحبش و فـ يوم يإذيك
انا مش مرتاح، انا بلياتشو بيمثل انُه مبسوط
مش حاسّين انك مبقتش موجود
و ادي الايام بتفوت اتفرج على نفسك بتموت
سكتت كتير مينفعش سكوت
و اديني بصرُخ بـ اعلى صوت
يا دُنيا غدرتي بعد ما كُنتي علمتيني
كُل ما اقع و حلم يروح بقوم و بتقويني
داري من عيونك دمعة نازلة من عينيك
بطّل تعافر عـ اللي راح عشان اصلاً مكانش ليك
قطّع صورهُم و هتنسى فـ يوم كلامهُم
خليك لوحدك احسن ما تضحي عشانهُم
داري من عيونك دمعة نازلة من عينيك
بطّل تعافر عـ اللي راح و صدّق انُه مكانش ليك
نفسك بس اللي ليك من بين كُل العيون
بطّل تحضُن صورتها و انتَ نايم كُل يوم
بتحبوا كسرة صوتي، اصرُخ معايا يا ليل
هيشهد الزمن وصلت احساسي بـ هد الحيل
يمكن اتسأل عن كُل عين دمعت
عن كُل كلمة اتقالت و فـ قلبك سمعّت
انا مش راجع و مش حابب نكون لـ بعض
انا بشر مش ملاك و عادي بردو بخون الوعد
