من بعد الدرة.. شيرين ابو عاقلة
نفس المشاهد كل يوم هي هي
يا أمة مش معقولة عاقلة
أو شايفة أو حاسة القضية
بصت للجندي وقالت أنا صحفية
أنا مش هغطي كمان رصاصة هتدخل فيا
ياعمي مش جاية عليا
ماكل يوم بنموت حتى الطفل هدية
والناس بتخاف .. تنطق غريبة الناس
والناس أحلاف .. لو حلف تبقى ع الراس
مش عارف انك يعني بسكوتك بتقطعني
بتشرع قتل وقصف وخسف وبؤس وموت ودمار
زميلتها كات وياها .. بتمد ايديها معاها
الضرب تواصَـل فضلت تبكي شعور العجز مرار
والروح قدامها طالعة .. صاحبتها خلاص مش سامعة
جواها رصاص والضرب لازال بجنون نازل أمطار
شيرين أبداً مش ماتت .. والخوف كان غمة وفاتت
لو فعلاً كل العالم يصرخ .. برة يا قوم النار
