يا متلف الروح لما تنظر لحالي
الناس نامت وانا عيني سهيره
يهل دمعي مثل وبل الخيالي
من حر ما بالحشا مثل السعيره
اشق جيبي إلا منه طرالي
واصير عقب الفرح ضايق بحيره
بغيتك يا هوى بالي دوا لي
وانا في ديره ومحبوبي في ديره
الله ينوي لخلي ما نوالي
آمين يا من يعم الناس خيره
واحمد ولي السماء في كل حالي
العسر واليسر وانعام كثيره
قلت هلا يا بعد حالي ومالي و
دواي وشفاي ويتالب بخيره
بغيت اصيده واقول العذر تالي
والاقي الشر بوجوهٍ شريره
راعي الهوى لا يخاف ولا يبالي
لي صار مجبور ما طاوع مشيره
