لي ثلاث ايام ما جاني خبر
وا عنا قلب المولع وا عناه
كني يوم الناس للعاشق شهر
لا سلام ولا كتاب ولا وصاة
اتصبر يا معين اللي صبر
واتحرى غاية القلب ومناه
الهوى يا اهل الهوى كله خطر
خلوا المشتاق يشبع من هواه
التمني والتوجد والسهر
ضرني والقلب جاه اللي كفاه
هل دمعي فوق خدي وانتثر
قلبي المجروح وين القى دواه
حبيبي ان غاب زوله او حضر
ما يحب القلب محبوب سواه
من بحر جدة الى شرقي قطر
في الحاضر والبدو ما نلقى حلاه
شوفة المحبوب والروض الخضر
تنعش القلب المشقى وتغذاه
ارتجي يرمي بلامك القدر
ولا اختلف دامي على قيد الحياه
في جميع الناس مالد النظر
ما نسا حبي وقلبي ما نساه
