بحاول لخص كل شي صار

بلحظة بتتلخبط أفكاري بلاقي كل تركيزي طار

هاربين من الحصار فارين من الدمار

تركنا كل أملاكنا و جينا نسكن بالإيجار

كسرنا على أنفنا بصلة و جينا نتشندل بالغربة

الحق مو علينا الحق على الزمن يلي علينا جار

مو جايين نلعب شدة جايين نشتغل بشدة

حتى نطالع لقمة عيشنا ترا الشغل ما هو عار

غيرنا فينا عم يتحكم إرادة ربك هي المغزى

قمة نشاطنا منا قطف عم يقطفا

عدة لغات عم نتعلم غير بالاسم ما منعرفا

مو طالع بايدنا شي سيرتنا على كل لسان

يلي بيسوى واللي ما بيسوى عامللي فيها انسان

كله فينا عم يأفلم أشكال و ألوان

ألا صبر جميل وبالله المستعان

ما اخترنا أسامينا ما هو بارادتنا جينا

رضينا بالبين و البين ما رضي فينا

بتمنى لو كان فينا نرجع بالزمن فينا لحتانا نعيد ماضينا

نمحي كل ذكرى سيئة مرت علينا

نغير كل قصة عليها بكينا

بس مافينا غير نصبر على المكتوب علينا

شكلا بعمرا هالدنيا ما حتواتينا

بتاخد منا اكتر مما عم تعطينا

الغربة حلوة بلاها أحلى

بتبقى الغربة كربة صعبة مهما بتحلى

قد ما بتعلى لو بتوصل لأعلى المراتب

ريحة هوا بلادك أغلى من كل الرواتب

مافي لغة بهالكون ممكن توصف لك الغربة

لأنه شعور بنعاش ما بنوصف و لا بنشاف

قلي فيك تتخيل حالك عم تشعر بالوحدة

كأنك نايم على تخت جوا غرفة الانعاش

الغربة حلوة لا أهل لا رفقات

الهم الأول و الأخير تصمد تجمع الثروات

الجيبة احشي الشنطا عبي الثروة اجني

العملة كل شي لحتى تمشي تقدر مستقبلك تبني

لا تفكرني هون بالدولارات عم كدس

لا تجبرني اشكي لك همي كيف مفلس

لا تضطرني احكيلك كيف عم نعاني

حتى نحصل لقمة عيشنا شي ما بجي بالأماني

ما اخترنا أسامينا ما هو بارادتنا جينا

رضينا بالبين و البين ما رضي فينا

بتمنى لو كان فينا نرجع بالزمن فينا لحتانا نعيد ماضينا

نمحي كل ذكرى سيئة مرت علينا

نغير كل قصة عليها بكينا

بس مافينا غير نصبر على المكتوب علينا

شكلا بعمرا هالدنيا ما حتواتينا

بتاخد منا اكتر مما عم تعطينا