الكل عم ينبلى كان مؤيد او معارض

وضع الشعب بصراحة ابشع من القوارض

اسمحلي اني قلك امتى الازمة بدا تخلص

لما الشعب يعود لربه او الاغلبية تفطس

ما حدا عم يروح غير الكويس و المنيح

المتوكل على ربه و ماشي بالطريق الصحيح

ما حدا عم يبقى غير الوسخ و العاطل

هاد الشي اللي بخليني بوضع البلد ما كون متفائل

من 6 رمضان لحد اليوم تحت القصف

يلي عم يقصفنا ربي يقصف روحه قصف

نهب + سرقة + قتل و مشاكل (تشويل)

البواب عم تنفش و الناس عم تروح خطف

الزبالة بالشوارع من ريحتا صرنا مرضى

عم نصلي و ندعي ربنا نخلص من هالفوضى

عنا كل شي ما بيجي بس بتجي عنا المي

وحتى اذا اجت ما بتجيلا غير شوي

من 6 رمضان لحد اليوم ما في شغل

واللي ما بشتغل عنا من وين رح يجيه الدخل

من وين بده يعيش كل هاد الشعب المحتاج

رح يموت من الجوع قبل ما القصف يكون التاج

يوميا عنا بتسمع كل انواع الاصوات

طيارات حربية و مروحية و رشاشات

قذائف هاون و اربيجيه + دوشكا و بي كي سي

مضادات طيران مدفعية و دبابة

صوات الكلاب بالشوارع بتحس حالك بالقرى

عتمة ظلام دامس امتى رح نخلص يا ترى

والجثث والاشلاء لما بتشوفن قدامك

شي بخليك اعصابك ما تقدر تتمالك

الكل عم ينبلى كان مؤيد او معارض

وضع الشعب بصراحة ابشع من القوارض

اسمحلي اني قلك امتى الازمة بدا تخلص

لما الشعب يعود لربه او الاغلبية تفطس

ما حدا عم يروح غير الكويس و المنيح

المتوكل على ربه و ماشي بالطريق الصحيح

ما حدا عم يبقى غير الوسخ و العاطل

هاد الشي اللي بخليني بوضع البلد ما كون متفائل

ائتلاف عائلي جمعنا تحت الشمعة

كهربا ما في عم نتشارك سوا الدمعة

رغيف الخبز بتشتهيه بدك واسطة لتشتريه

والمازوت بشهيك تسرق بس تدفى فيه

برد بوظ بلف حالي بالحرام

رح موت من الجوع احسن ما اكل شي حرام

بضل بصوم و بفطر بس عكاسة مي

وان قدرت خبز ماكن بلته بكاسة شاي

ان دورت وقدرت جمعلي شوية حطب

ما ضل شجرة الا انقطعت بكل حواري حلب

موت عالبطيئ لكل الشعب الدرويش

سؤال بطرح نفسه منين و كيف بدنا نعيش

بالاغاثة ؟ بدك واسطة لتاخدا

او صير ذو قرنين و ابعت مرتك لتاخدا

ما عاد تعرف اخوك من الاصدقاء والا العدا

صرنا بزمن شفنا فيه ان ما حدا لحدا