كذبة صغيرة قد ما كانت بتخليني ابعد عنك

حتى لو كانت بيضا بتكرهني القرب منك

اكتر شي حببني فيكي هو الصدق و الصراحة

لا تخليني فكر أترا شيلك من كفوف الراحة

عندي اللي بكذب بشغلة بكذب بكل الشغلات

بس للحظة انا مصدقك يا زينة كل البنات

عندي ياكي متل المصحف حكيك متل الطابو الأخضر

واثق منك ما بتوقع حبك لقلبي مزور

كل ما صدقتي اكتر حبك جوا قلبي بكبر

عن اي شي ممكن اسكت بس عالكذب ما بغض النظر

واجهيني صارحيني شو ما عملتي لو غلطتي

انتي قطعة مني بحكيي ان شاء تكوني فهمتي

الخطأ أكيد بتصلح ومنتفاهم على كل شي

دامنا سوا بصدق و بصراحة بطريقنا عم نمشي

ما في شي رح يفرقنا او عن بعض يبعدنا

متل السمنة عالعسل بدنا نبقى انا و انتي

انا اسف

على كل كلمة فيها جرحتك

انا اسف

على كل لحظة فيها عصبتك

بتمنى ان زعجتك من كل قلبك تسامحيني

وان قصرت معك بشي بس يا ريتك تذكريني

بعتذرلك يا روحي اذا بكلمة أسأت لك

بطلب مغفرة من قلبك ان مشاعرك جرحتلك

بطلب منك السماح لو مرت لحظة و ما اشتقتلك

الظروف بعدتنا عن بعض و أكبر سبب هو أهلك

انا وأنتي متفقين مافي شي رح يفرقنا

كل الناس مجتمعين ليلاقوا سبب ليقنعنا

ان نبعد عن بعض و رأين كله ما بهمنا

نحن منسجمين ورب الكون واقف معنا

كلام الناس شو ما حكيو لا بقدم و لا بأخر

غيرة وغيظ و غل و حقد غير هيك منن مو متأمل

اما الأقلية يلي هنن واقفين حدنا

بيبكو عزعلنا و بيفرحو عفرحنا

هي سنة الحياة يا حياتي بدنا نصبر

مصايب و هموم ما بتنعد عكتافنا بدنا نحمل

بدينا نضحي و نتحمل عذابنا بدي من هاللحظة

دامنا سوا عم نواجه حبنا رح يبقى أقوى

انا اسف

على كل كلمة فيها جرحتك

انا اسف

على كل لحظة فيها عصبتك

بتمنى ان زعجتك من كل قلبك تسامحيني

وان قصرت معك بشي بس يا ريتك تذكريني