على بالي يجي يوم كون قاعد مقابيلك
دموع الفرح على عيوني تمسحيهم بمنديلك
اسمك عقلبي انحفر وشم بالليزر ما بينشال
باسمك قلبي بنطق كل ما بنبض لانك على البال
ذكرى حبنا كانت لحظة درست فيها احتمال
نجاح حبنا وتفوقه على جميع الاجيال
احتمال نجاح حبنا طلع عندي واحد
اعلى نسبة احتمال كانت بهالوقت الفاسد
الوقت يلي الكل عم يمثلوا فيه مسرحية
عم يضحكو عبعض بقصة حب مبينة
عالكذب والخيانة الغش الغدر الطعن بالضهر
واللي بكون الضحية نهايته الموت من القهر
ندم دهر كره الصبر هدر دموع اكتر من شهر
جرب مرة ما بعيد الكره لاخر هيدا العمر
اما نحن يا حياتي ما دخلنا بتمثيلية
عشنا اللحظة كلا مو نصا بقصة واقعية
عالحب و الصدق و الصراحة و تصفية النية انبنت
علاقتنا بدا تبقى للأبد هيك متل الألف
عندي قلب جديد
عندي قلب ضحى من الوريد للوريد
عندي حب جديد
صادق بكل معنى الصدق هيدا شي أكيد
حبي بدي زيد
متانة قوة صلابة متل فولاد الحديد
ضحي لأجل الحبيب
يلي ضحى بعمره لأجلى كان الطبيب
دوماً مني قريب
ما بيتركني لحالي و لا بروح لبعيد
عندي قلب جديد
كل ما بسمع ضحكتك بحس قلبي عم يضحك معك
كل ما بسمع بكوتك بحس قلبي رايد يمنعك
كل ما بشوف نظرتك عيوني بتقراها و بتترجم
المعاني و الأفكار الموجودة جوا عقلك
ان كنتي مبسوطة سعيدة من قلبك فرحانة
او حزينة مدايقة مزعوجة من قلبك زعلانة
تطليعاتك بحس فين اذا شي شاغل بالك
بسألك بستفسر منك ان ما قلتيلي لحالك
حبك غالي بقلبي انتي طبي انتي حبي
انتي عمري انتي روحي انتي حياتي انتي قلبي
انتي الكلمة اللي بنطقها انتي الهمسة اللي بهمسها
انتي دقة قلبي و نبضاته و حنيتي كلها
امنياتي ذكرياتي احلامي معك بتأملها
دامك حدي عم تهدي على خدي لأوصلها
دامك حدي ما في قدي انسان جدي بالحياة
ولافي قدي بالتصدي لتحقيق الأمنيات
ماحدا بيعرف قيمتك قد ما انا بعرفا
ولا حدا اكتشف طيبتك متل ما انا اكتشفتا
ولو حدا بحبك قدي تحرم علي الحياة
انا شخص مستعد كرمالك اعمل معجزات
انا يلي اكتشفتك من بين الصبايا اخترتك
كوني من لما عرفتك روحي و قلبي ملكتك
صدقتك و صادقتك جوا قلبي سكنتك
على كفوف الراحة حملتك و على رموشي نيمتك
على بالي يجي يوم كون قاعد مقابيلك
دموع الفرح على عيوني تمسحيهم بمنديلك
انتي احلى بنت بنظري شوفتك اغلى شي عبصري
عم اتشكرو لقدري على هيدا المكتوب
كيف قدرت عمركز قلبك اني فوت بحبك موت
بصيح بأعلى صوت روحي فيكي انا بدوب
عالموت طلبيني بلبيكي شو ما بدك مني بعطيكي
انا ميت فيكي رح داريكي ابقى حدك دوم
بتعرفي شو يعني بحبك بالذات فيكي طيبة قلبك
لنظرتك بسمتك لك يسلمولي هالعيون
ادبك دينك مشوتك حبك حنيتك ضحكتك
صوتك كلمتك همستك بكل شي فيكي مغروم
بحبك ما عم اعرف عبر شو ما عملت بضل مقصر
مو متحمل البعد عنك لحظة عندي متل الموت
ماحدا بيعرف قيمتك قد ما انا بعرفا
ولا حدا اكتشف طيبتك متل ما انا اكتشفتا
ولو حدا بحبك قدي تحرم علي الحياة
انا شخص مستعد كرمالك اعمل معجزات
انا يلي اكتشفتك من بين الصبايا اخترتك
كوني من لما عرفتك روحي و قلبي ملكتك
صدقتك و صادقتك جوا قلبي سكنتك
على كفوف الراحة حملتك و على رموشي نيمتك
