عيني فى عينيك إن الحب فى قلبك قل وإن الشوق لغرامي مل

دور قلبي كتير على حل بس مفيش سايب قلبي معلق بيك

تجرح ياما وهو شاريك تلقي يارب اللي هيأذيك

زيك زيي تدوق المر عامل فيها اعز الناس

وانت مفيش عندك احساس حتى غرامي ملهّوش اساس

قرر قلبي يقول انا حر سايب سايب وابعد عني

عشت معاك اللي يزعلني بكره تلاقي الفرح حَضني

وإنت ياعيني في ١٠٠٠ عذاب دور يلا على تفصيله

تطلع بيها شجيع السيما وإني ظلمتك واني قسيت وانك شوفت معايا خراب دنا عيشتك أحلي ايام حب وضحك ودنيا سلام وانت طلعت بتاع افلام خاين جارح و ب 100 وش صبرك بس عليا شويه

زي ما شوفت معايا حنيه بكره تشوف القسوه ومني تعرف معنى جروح الغش