انت مش محتاج توضح ، او تجمل ولا تشرح

هو لما تخون وتجرح

انت بقي مستني ردي ايه عليك ؟

مش هقطم فيك كفاية ، ولا انزل مستوايا

مانت لو فارق معايا

كنت هازعل ولا اعاتب حتي فيك

انسي اني اجيب في سيرتك ، ولا اشوه حتي صورتك

انت فاكر اني زيك ولا ايـــــه ؟

روح وكمل يلا وحدك ، واستلقي بعدي وعدك

ده اللي زيي نادر اوي لما تلاقيــــه

انت جاي ونسيت عمايلك ؟ اه ياعينك دي وجبايرك

مش لاسمح الله بعايرك

ولا ياما اديتلك ايه من غير حساب

بس مين علاك وكبّر ، عاش كتير وياك بيخسر

بص مش لازم افسر

مانت مابيملاش عنيك الا التراب