قبل النهاية ... بتكتشف كل إللي فيك

وان المراية ... كدابة بتضحك عليك

وان انت صورتك غير ماشوفت

وان انت أقوى عشان ضعفت

كان ناقص لو تصدق انك كفاية

وخلاص عرفت تراجع نفسك

وكسرت سجنك جوا يأسك

واكمن الفرصة شبه خلصت

دلوقتي بس الجرأة جاتلك

قبل النهاية ... بتكسر كل خوف ماليك

وف الحكاية... واجهت ألمك من ماضيك

وبتلقى نفسك فجأة فوقت

وبتكتشف إنك عرفت

إن انت غير ماكنت فاكر م البداية

وشوفت كل حاجة واضحة

و لاقيت واقع حقيقته فاضحة

بتحاول قبل أما الدنيا تخلص

ف كتابها تاخد منها صفحة