نكدب لو قلنا مابنحبش
ولا ينفع ف الحب نجامل
او نفتش طبعا او نهتش
انا ممكن احبك عمياني
لكن موت طبعا مبحبش
وهحبك موت ازاي يعني
وانا من حبك قلبي وجعني
محتاج ف الحب براح اكبر
مهو عمر براحك مايساعني
الحب مشاعر مش اكتر
مش انا الل بجيب لبنات دباديب
ولا ورد وبدي بنات مواعيد
ولا راح اشري يوم قلب احمر
وانزل واتفسح واتمنظر
والبس واتشيك واتمختر
وهشنكل ايدك ف دراعي
وهأنج قلبك واتمسخر
تكونيش فاكراني فلانتينو
ولا واد متنيل علي عينه
ولا شاب بيعزف بكمنجه
وبنات الجامعه محاوطينه
انا شاعر اصلا حُكيتي
الدنيا مطلعه ميتينه
كان مين قلك حبي صعيدي
خايف المس ايدك الناعمه
تتوجعي من خشنة ايدي
متخبط م الدنيا بحالها
شفتها ببرودها وبجمالها
حبيت الارض بحكاويها
وكرهت الغربه وترحالها
ومعتش حامل م الدنيا
انها علشانك توجعني
انا اعارف انك مش زنبك
لكن سيبي قلبك يسمعني
انا عاوزك قابلاني بشكلي
بطبيعه حالي وبمشاكلي
علشان انا عمري ما هتغير
ولا هقدر اسيب يوم توب اهلي
وان كان الموت فيكي
هوه اللي فاضلي
عمري ماموت فيكي
موتت ربنا احسنلي
