النفسية .. محتاجة لأكلة وتمشية
محتاجة القعدة على البحر وشمس وسماعة وأغنية
النفسية .. محتاجة فلوس وهدية
محتاجة لمّة وسفرية
محتاجة أجازة من اللي بتختم بحكاية رومانسية
______________________
محتاجة لحضن ودعوة أم وكله هيبقى تمام
محتاجة لقعدة بلكونة وكُباية حمص شام
محتاجة حبيب مايروحش ومتغيرهوش الأيام
محتاجة يومين من غير تليفون ولا هم ولا إلتزمات
محتاجة لفيلم وحبة لب وشنطة حلويات
محتاجة لقعدة شوي وسهرة لآخر الليل وبيات
_____________________________
محتاجة لخطوة ناخدها وبنأجلها بقالنا كتير
محتاجة لشدة فيشة تخلينا نبطل تفكير
محتاجة لقلب جماله يحسسنا إن الدنيا بخير
محتاجة لحالة حب تخلينا مانعرفش ننام
محتاجة لحفلة كبيرة وأول تذكرتين قدام
