العود الازرق لاشتعل في مباخرك
سوقه على اللي دائماً فالطليعه
ولاتقدر واحداً مايقدرك
واللي يبيعك باول السوم بيعه
يالصاحب اللي كنت فالوقت ذاخرك
ولارضى عليك الهينه والهزيعه
اغليك واضحي على شان خاطرك
وجازيت طيبي بالجفاء والقطيعه
مدري وش اللي حاس جوك و غيرك
وطاوعت حكي اهل القلوب الوجيعه
على الدروب العوج تنهى و تامرك
واصبحت تطرد لك سرابً ابقيعه
غطّى عجاجك دون سحبك وماطرك
ولاني زبون للمكر و الخديعه
ماضيك يشبه في تعاملك حاضرك
غير جبل و لا تغير طبيعه
دور على غيري نديماً يسايرك
الله معك وفجوج ربي وسيعه
طرد المقفي في تعاليمنا شرك
لاهي لنا سنه ولاهي شريعه
