⁠بعد ذيك السنين الي خذت مني و عطتك كثير

رحلتي و الامل بحره على المجهول يرميني

سقيتك من وفاء قلبي سقيتيني جفاف البير

عطيتك اخر احلامي و قلب كان مشقيني

و شقيتيني كثر قلبي و انا كنت بهواك اطير

قسيتي لين حطمتي و خذلتي ما بقى فيني

انا كنت اعشقك باسلوب لا مبدا و لا تفسير

كانك من هواء ربي و هبوبك بس يحيني

كذا كنتي حكاياتي و صمت الروح و التفكير

كذا كنتي سماء نفسي و ارضي بسمة سنيني

خذيتي بلمحة عيونك و انا عاجز عن التبرير

خذيتي لين خلصتي و بدون اسباب بعتيني

و انا بعد السنين الي خذت مني و عطتك كثير

ابرحل مع نجوم اليل و صمت اليل يكفيني