على غفله تمر يا مفرق الاحباب
تزرع فاجعة بقلوبنا وال.آه
وما منك مفر و متعدد الاسباب
تسرق وردنا و كل اللذي نهواه
راح العزيز
ماودع احبابه وترك فيهم حنين
راح العزيز
شعري انتثر لوعه وقهر حسره وانين
لكن الله يساعد امه بهالجراح
بصوتها تشهق يمه وليدي راح
والاخو يناظر ابوه ومدمعه عالخد ساح
يا يبا حزني يطول انكسر مني الجناح
يا الله انك ترحم اللي فاقدينه
وتقبل الدعوات لاجله وتقر عينه
وترزقه الجنه مع طه نبينا
وتشفي قلوب بكت لاجله حزينه
