غربة وطن
في يوم من الايام
كنت عايش جوه بلدي
وسط ناسي وسط أهلي
وسط حضن قلوب حبايبي
*****
كنت باكل زرع خيرك
كنت بشرب نبع نيلك
كنت عايش مش عشاني
كنت عايش أبني جيلك
*****
و أما ضاق الحال عليا
و الأمل ضاع من أيديا
قولت اسافر قولت اهاجر
قولت اعيش في دنيا تانية
*****
قولت اجرب حظي تاني
يمكن القى في يوم مكاني
ما التقيت نفسي و كياني
و الحنين خلاني اجيلك
*****
كلمات و الحان و توزيع
الموسيقار / محمد الفكهاني
أداء / المجموعة
