حزن كبدي لاذكرتك واسبل الدمع وعصاني
ينبش الحب القديم وتنفض اللهفة غباره
يا عديم الحس قلبي يحترق شوق ويعاني
وإنت بايدك قبل تقفي ذابحة في عقر داره
وجاي تسأل وش جرى لي يا برودك يا أناني
ذاب قلبي في غيابك وانهمر دمعي بغزارة
المدينة عقب هجرك كان ما فيها مباني
والشوارع عقب هجرك كان مافيها إنارة
صرت أعيشك في القصايد وألتقي بك في الأغاني
وألتقي بك في الأغاني
وانتهيك بحرق صدر ونار تشعل في يساره
ونار تشعل في يساره
الصراحة خاب ظني فيك يـا غلطة زماني
أشهد إنك درس قاسي طاحت بخدي ثماره
ما بقى لك شي عندي يكفي اللي منك جاني
ما إنت اللي يستحق يعيش قلبي في انتظاره
ليت ربي عن جمالك قبل يغويني هداني
وليتني سلمت قلبي من عذابه وانهياره
يا سقی الله يوم كنت أشوف بك كل الأماني
مات كل اللي جذبني في عيونك يا خسارة
غرني ما غرني بك وابتلا قلبي وبلاني
وما لقيت إلا جروح وما جنيت إلا انكساره
صرت أعيشك في القصايد وألتقي بك في الأغاني
وألتقي بك في الأغاني
وأنتهيك بحرق صدر ونار تشعل في يساره
ونار تشعل في يساره
طاحت أوراق الغرام وعادني واقف مكاني
وانهزم آخر شعور احتل في قلبي الصدارة
