مشروع حياتك نجح ، أنا موجود
بنيتي أمن مستتب . طريق ورود
مفيش شهادة طب نفسي ناو تنفع لحالتي
مشيتي بدري للأسف .عارف حاولتي
رحيلك ميخليش مرور سنين علاج كافي
عرفاني لما احب احب اتكلم بالقوافي
الحزن صافي ، حتى الزمن مقللوش
جسمي حي عقلي بيناقشني يمكن مقتلوش
عندي سم و اسلحة تقرب لقاكي بكره
اديني اشارة بالموافقة بس و اتحول ذكرى
الذكريات تكدس ، بعاني من التنفس
النوم كابوس و لما بصحى ببتدي التوجس
عامل نفسي كويس و ده عامل نفسي كويس
بشرب بعد ما بقفل بابي اتأكد اني في نفس الحيز
شكرا للخير ، أولوياتك الغير
رحيلك لا يزال بلا حكمة لانه مش فير
تلت عقود بدوني قبل ما يبدأ حملي
دلوقتي أنا انتِ ، لكن الفرق مفيش فورميت للميموري
بتألم احتياج صمتي صرخة احتجاج
هحكيلك كل حاجة في المراية باندماج
قريت كتير عن اللي زيي مكملوش و مشيو قبلي
انتهى النوم الطبيعي ، ببلع بصعوبة اكلي
اي قرار بدونك متصنف في الجانب الاهبل
نشرب شاي كشري في اودتك نتكلم عن المستقبل
بشوفك في الرواية في الافلام في الاحلام
عدم معرفة العالم بيكي مشكلة اعلام
حضناني في كل حلم مصل فرح في العروق
و الكابوس اللي بيخوف كل مرة ، اني بفوق
بسمع كلام بلا قيمة انها شدة تعدي عادي
عرفاني مرضي بأقل حاجة لكن المرة دي مش راضي
حكمة اللاعدالة معادلة غير مقبولة غير معقولة
بديهيات مرفوضة لعقلي و لروحي المقتولة
الذكرى بس اللي بتعيش ... يا ليل
ايدي مكلبشة في صورتك
دماغي متكتفة في حارتك
وتساب صوتك كل كلامك
صاروا وصية عمرك
هحكيلهم يا حبيبتي أربع سنين حاربتي
و كل مرة سألتك فيها عن ألمك كدبتي
كونك موجودة قلبي رايق بمشي ع المية
حبيتي كل حاجة ليها اي علاقة بيا
عطاء بلا مقابل دايما الحالة ميسورة
قدمتي اللي صعب يتقدم تقلتي الفاتورة
مكمل طريق غنايا وصيتك دايماً معايا
صورتك حلم كل يوم لاخر مشهد في العناية
هحضن قبرك هفضل اسالك عن احوالك
احنا امتدادك اخواتي بيحطو برفانك
كله ماشي متقلقيش كإنك موجودة
حب الحياة جوايا اتحول لرغبة محدودة
اسف لكل شيء في يوم خلى مزاجك يتكدر
حتى في غنايا ليكي برضه كالعادة متاخر
عارف هتسمعيني قبرك دلوقتي الوطن
مضطر اعيش يمكن يكتشفوا السفر غبر الزمن
الذكرى بس اللي بتعيش ... يا ليل
