تلفوني جاب شاشة في الوقت المضبوط
سكوت
تلوموني و فاضطر اسكت امنع الصوت
ترام مترو باص ، و بكمل الباقي سير
شارع كان ضيق زمان ، اتحول لسكوير
بحفظ طريقي دايما من خرابيش الاسفلت
ايدي في جيبي سماعتي في ودني باصص في الارض
تحت كل صورة تاريخين موت ميلاد
عقلي منظم داتا بيز لكل اللي اتعمل له آدد
عاد نفس الانطواء ما بعد زحمة في ازدياد
عرفت ناس متكفيهمش مدرجات استاد
بستنى الشتا معظم أفكاري متشتتة
تتحسن حالتي لما أشوف الناس المتكلفتة
التفاصيل بتجيب لي صداع زمن التركيز مشى
برتاح زيادة لما تكون الصورة مشوّشة
الوحدة رغم صعوبتها أحيانا بتطورني
باخد سلفيهات لوحدي محدش بيصورني
سعة صدري ضاقت معدتش للنقد طايق
متآلف مع ديفوهاتي معدتش فاضي أتضايق
تلفوني جاب شاشة في الوقت المضبوط
سكوت
تلوموني و فاضطر اسكت امنع الصوت
----
الانبساط للي زيي شيء محتاج فلوس
و لما تنشف المسائل نلجأ للبلوز
بطلت اعوز ، بأقلم ع نفسي ع الحلول
حياتي بيت بوم باب و رص أولد سكول
خسرت ناس ، مستوعبوش اني امزجي
واين كإنه مية في الخلفية صوت بيجي
سنين بسيق البواقي من الدخان حولت مائي
عزلتي بقت غذائي طز في اللي يهين ذكائي
فاضل اثر متداري سابت جوايا جوست
ممنوع اشوف وشها تاني ، حتى لو عوزت
ذكراها مزعجة بغباوة لكن ليها وحشة
الرابط بينها و بين البرد الاتنين نفس الرعشة
نزلني جونز تاون راكب الزمن لورا
افيك شرب السيانيد أنا حي واحد في المقبرة
بحكمة غاندي، بتحكم و الكاريزما عندي
الشر له الاف الفانز و اسال تيد بندي
تلفوني جاب شاشة في الوقت المضبوط
سكوت
تلوموني و فاضطر اسكت امنع الصوت
