يا حبيبي قوللي آخرة جرحي ايه
قلبي مجروح من زمان واحترت فيه
والطبيب شافني بكى بدموع عينيه
قاللي جرحك ده مانيش قادر عليه
يا حبيبي .. وأعمل ايه .. أعمل ايه
..
قلت يوم واتنين وأنسى
أنسى أحلى العمر جنبه
عدى عمري وبرضو لسة
يا زمان عايش في حبه
أحلف بالله مظلوم .. مظلوم وياه
ومداري في قلبي حكايتي .. حكايتي معاه
حكاية حب فاق الحد
حكاية قلب مالهوش حد
حكاية عين ضناها السهد
حكاية حنان .. من زمان
يا حبيبي .. أعمل ايه .. أعمل ايه
..
قلبي يا مسهرني جنبك
قلبي يا محيرني بيك
تشتكيلي من حبايبك
أعمل ايه فيهم وفيك
انت اللي هويت وأنا اللي بكيت
وانت اللي كمان بتقوللي ياريت
ياريت ايه قوللي يا مسكين
سنين فاتت وجاية سنين
نقوم في عذاب ونبات في حنين
وكنا وكان من زمان
يا حبيبي .. وأعمل ايه .. أعمل ايه
