غدارين .. مش بقولك غدارين
ليه يا قلبي تقوللي لأ
هما مين .. لسة بتقول هما مين وانت عارف دقة دقة
اللي فاكرهم حبايبي طلعوا مش حاسين بحبي
غدارين .. غدارين
ايه جرالك ايه يا قلبي كل ساعة تقول حبايبي
انت بتداري عليهم ولا فاكرني هخبي
ليه بتخدع ليه في روحك وانت عارف فين جروحك
بيع هواهم بيع عذابك قبل ماتضيع شبابك
ده الهنا عمره يومين .. والعذاب يومه بسنين
اللي فاكرهم حبايبي طلعوا مش حاسين بحبي
غدارين .. غدارين
قلبي ياللي بالخيال كل يوم تبني في آمال
الخيال مايجيبش فايدة .. ،الآمال قصر في رمال
ليه تفكر في النجوم والنجوم مش دارية بيك
ليه تدور ع الهموم والحبايب بتناديك
ده الهنا عمره يومين .. والعذاب يومه بسنين
اللي فاكرهم حبايبك طلعوا مش حاسين بحبك
اللي فاكرهم حبايبي طلعوا مش حاسين بحبي
غدارين .. غدارين
