من حلاوتها هتحتار امّال لما تشوفها
قلبك هيولّع نار وِتدوب مِن رِقِّتها
ولا تعرف ايه تختار لو جيت يوم توصفها
ولا يوم يجعلَّك جار بعيونه يحسدها
دمّها شربات وخفيفه ع القلب و ع الروح
تخطف قلبك في دقيقه وهتمشي ياعيني ملووح
من كتر ماهي جميله خايف بالسر تبوح
وعشان مشاعرها بريئه تتحط ع الجرح يروح
ده حكايه بنت نصيبي جيا وجيبالي الخير
من اول يوم في طريقي القلب عليها يغير
وان قالت مره حبيبي من فرحة قلبي بَطير
هي الاجمل في عيوني من غيرها فايتني كتير
رقة صوتها ياسلام ياسلام علي ضحكتها
كل اللي سمعته كلام ده الجنه معدتها
الله يسامحك يا غرام ايام ليه خبيتها
ده اليوم وياها احلام من كتر ماحبتها
