جريمتك ما هي بـ تحتاج شاهد عيان
اشْهودها يا حبيبي .. دمعتين و سهر
ليّنت لك قلب .. ما ليّنه جور الزمان
غدى خضر عقب ما دلّك و دربه خضر
الله يا اول مْواجه .. في هذاك المكان
هي والله الليله اللي .. من ليال العمر
جادت بك الدعوه اللي بين اقامه واذان
يزفّك الغيم .. و يسمّي عليك المطر
من غض عودك تقول تغايض الخيزران
يا حي هاك الثنين .. و حي هاك الثمان
اللي بها .. ما تغبط الشمس ولا القمر
و عيونك السود ليل و ما ورى الليل امان
كم تهت ظلما عيونك لو جبينك بدر
يا بلسم العمر .. عطني لـ السعاده ضمان
تراني اللي زبنك من الحزن .. منتحر
يا داي و دواي عطني منك .. جرعة حنان
لو ما على احساسك المرهف و قلبك امر
تراني اللي تغرّب .. لين شافك كيان
انت المقر يا ملاذ الروح .. ما انت الممر
تعال دام المواصل زان .. و الجو زان
وصلك عقد ناصية عمري معك من زمان
ان استمر استمر ، وإن ما استمر ما استمر
