"بدّي وين ما كان كون
بأي محلّ ما بعرفو بدّي أعرفو
بدّي كون أقوى من هيك
البكي مو ضعف
البكي يمكن قوّة
ما بقا خاف من حدا"
كرمال كروم الزيتون اللي بتعطي مواسم
كرمال الزهر البحقول وأصوات البلابل
كرمال الشّمس بتشرين البت دفّي البيوت
والأرض اللي بتبرم فينا تتدبل العيون
كرمال جبال ووديان بتسفّرنا دروب
كرمال البحر وموجاتو البقطّعنا حدود
اللازمة:
كرمال الأنا العم صير
لحن وصوت يودّي بعيد
واللي صار وبدّو يصير
كرمالي أنا عم غنّي
كرمال الطفلة اللي فييّ اللي نسيت تكبر بكّير
كرمال الإمّ اللي فيي اللي نسيت تحلم بالعيد
كرمالي كرمالي كرمالي أنا عم غنّي
كرمال الإرادة الفيّي
والكرامة والحريّة
كرمال اللي نعسوا وراحوا
عمطارح حلوة ومنسيّة
كرمال الإيمان الفيّي
بالإنسان بالإنسانية
أنا الصوت الحرّ العالي
أنا بكرا الأمل الجايي
كرمالي كرمالي كرمالي أنا عم بحكي
"كوني قويّة وحبّي حالك أكتر
بدّي زيد ثقة
بتستحقّي المحبّة
إنّو أنا متضايقة متضايقة
أنا فرحانة فرحانة
أنا جايي على بالي إبكي بدّي إبكي
حاجة بقا كبت
حاجة بقا خوف"
عم بسمع صوت من بعيد
حامل أمل بيوم جديد
عم يكسر خوف الإيّام
وعم يرسم أحلام
اللازمة:
كرمال الأنا العم صير
لحن وصوت يودّي بعيد
واللي صار وبدو يصير
كرمالي أنا عم غنّي
كرمال الطفلة اللي فييّ اللي نسيت تكبر بكّير
كرمال الإمّ اللي فيي اللي نسيت تحلم بالعيد
كرمالي كرمالي كرمالي
أنا عم غنّي
