عالأبواب بتخبط
تدخل و تفتح في الشبابيك
تفرش و تنام و تربع
و صداك يملى الدنيا حواديت
و هدومك بتطوحها
أدراجي بتفتحها
و تحول كل الأنظار ليك
و أصحى الصبح أدور
في صورة بس ألاقيك
عالأبواب بتخبط
و أنا كل مرة أفتح ليك
بتشقلب و تكركب
و بتسرق و أنا أفضل أجاريك
ليه لما بس بتعطش
تجري عليا و تفتش
و م المية الشحة في أيدي أسقيك
محتاجة أفوق و أقرر
من حياتي ألغيك
و أحفظ صوت خبطك عالأبواب
و أبدا مافتح ليك
