verse 1
الساعه ١١ و الباب بيتقفل
كمان ساعه المفروض احتفل
اصل سن التلاتين علييا زي التابوت بيتقفل
سني بيعدي يوم بعد يوم
محققتش حاجه غير نوم بعديه نوم
و اعيش ليه مالحياة بالنسبالي كومه هموم
متكومه تحتي،مريض نفسي
حاسس اني كاره،كاره نفسي
من برة كويس،متدمر داخلي
صعبة الحياة فيها مين يسندني
لا اب ولا ام ولا حتي الحبيبة
سابوني كلهم قتلوا الطيبة
فين الاحلام؟!مفيش احلام
بلد العجايب ضربتها بالنار
Chours
صوت صوت بيطاردني كل يوم
كاتم جوا مني شيلة من الهموم
تعبان بتمني كل يوم الموت
بس كله بيطالبني بالسكوت
كنتوا فين لما كنت حاسس بالضيق
كنتوا فين لما ضلم الطريق
كنتوا فين لما الحياة اتوقفت
كنتوا فين لما كل حاجه اختفت
كنت مستنيكي تكوني جمبي
كنت مستنيكي ضهري و سندي
كنت عايزك لييا كل شئ ف الدنيا
كنت عايزك جمبي كل ثانية
Verse 2
بعتي نسيتي,سيبتي و بقيتي
اكبر جرح ف حياتي قسيتي
حطمتي نفسي،كبرتي جرحي
محيتي فرحي،كنتي خدعه يعني ؟!
ايوة انت كنت بيكي معمي
مش قادر انساكي قلبي
متدمر من بعدك ملهوش مأوي
مين من بعدك احكيله يعني
بصيتي بصة الوداع
متكونيش زيهم ارجوكي
الكل هنا ساب و باع
طب ولمين حتي اشكوكي
كنتي بتقولي فييا ميتة
و انتي حية كل يوم بتلدغي
شوفت منك حاجات كتير
فات الوقت انك ترجعي
Chours
صوتك لسه ف دماغي كانوا امبارح
مش عايز اسمعوا بقيت ليكي كاره
قطعت صورك لما كنت فيها سارح
حبك كان مجرد كذبة حب تافه
بعتي مع أني كنت ليكي شاري
كنت خدعة كبيرة و كنت ليها شارب
كنت غرقانة و كنت ليكي قارب
لما نجيتي سبتيني كطفل شارد
حاولت الاقي غيرك للاسف معرفتش
حاولت كتير انساكي للاسف مقدرتش
شيلتك من حياتي كإن انا الي ممنتچ
الحب فيلم كبير و دي نهايته فركش
Verse 3
حبيبتي كنت جمبك كل ثانية
سبتيني و رحتيلهم كنت بانية
بينا الف حيط و حيط وحيط
كنت شايفك غيرهم ام الدنيا
خدمت ترابك ٣ سنين
حاولت ارفعك بس الباقيين
سبوني وهاجموني كأني صهيوني وسط مسلمين
غلطتك من الاول انك رحتيلهم
رغم أذاهم بتبتسملهم
رغم تعبنا بنبكي سنين
ورغم كسلهم بتصقفيلهم
ع الحلم بعدنا،علي ايه تحسدنا
شهادة ع الحيط،كابوس يرعبنا
الموس فأيدنا،الموت يسعدنا
و اهي النهاية ع القهاوي قعدتنا
