الحمد للي خصنا فيه و ظهر
فيه ابتدى ماكان بالملك معمور
ليت من أسس يشوف اللي شهر
سمي جدانه مجدد كل دور
هم هل العوجا مروضة العسر
هم هل العوجا منطقة الصخر
هم هل العوجا مذهبة السطور
كل عام وانت كاسينا فخر
كل عام انتباهى بك شعور
تكبر ونكبر معك عمر وقدر
مثل رجم ما تطاوله النسور
محمد اللي صدره الواسع بحر
أبحر بشعبه لبكره لكل نور
في ذرا بشته مراذيذ المطر
و في قباله ينتهض عشب وزهور
امش فينا ودربك من الله خضر
رايتك خضراء حشا لا ماتبور
سر بنا الكايد و عد بنا الوعر
خض بنا غيم ومجرات و بحور
احتزم ياطويق ما حولك خطر
ودرعك الضافي محمدنا جسور
كل عام وانت للغايه قدر
محمد محمد عسى عمرك دهور
