طلبتك يا زمن قاسي

تراه اقرب من انفاسي

لعبت بمجمل احساسي

على شوق وألم وطعون

بليل العاشق الولهان

سقاه البعد والحرمان

هموم وحسرةٍ وأحزان

على نار الجفا يمسون

فراقك احرق أحداقي

وشب النار بأعماقي

وفوق الحبر وأوراقي

نثرته دمعي المخزون

تمنيتك تداويني

وتروي بشوفتك عيني

وضاعت أجمل سنيني

وانا في عالمك مسجون

تحدتنا الظروف وصار

بكل أعماقنا إصرار

ولو هي ضدنا الأقدار

تموت اقلوبنا ما تخون

رجعنا من بعد فرقى

عيونٍ ذابله غرقى

وحمام الدوح والورقى

تغنينا طرب والحون

يا ساكن خافقي ارحب

يا مالي دنيتي بالحب

غلا ولساني لك يسحب

شعورٍ داخلي مدفون

هلا به غصنك الميال

هلا به لنثنى لي ومال

وأحيا داخلي أمال

هلا في رجعتك مليون

هلا باللي ملك قلبي

رجع دربه على دربي

وكله أصبح بقربي

على جور الزمن لي عون

هلا بك يا ملاك الارض

يا مالك طولها والعرض

يا فارض كل شيٍ فرض

على قلبٍ معك مرهون

ارحّبك من الاعماق

واضمك ضمة المشتاق

تكفي غربة العشاق

وقصة عاشقٍ مفتون

اخيلك بالسما غيمه

سحاب أمطارها ديمه

لها في عالمي قيمه

وجودك للسحاب امزون

هلا بالتوت والسكر

وريح المسك والعنبر

هلا يا جنتي واكثر

هلا باللؤلؤ المكنون

بقربك دوم تحييني

طلبتك لا تخليني

وجودك صدق يغنيني

وأحس اني ملكت الكون