حسبت الحب لي جنه
وساق القلب لك فنه
مشاعر صادق" كنه
ملك كونه على كونك
اسوق احساسي الطاغي
بلهفة قلبي الصاغي
وكلي صار مجنونك
وطرت بعالم العشاق
جناحيني وله واشواق
اسابق لحظة الأشراق
وصبحي نظرة عيونك
تأملت الرضى فيها
وفعلي دوم يكفيها
عن العالم ويشفيها
شفيت طعون قتاله
جروح" حالها حاله
الم والنزف بك شاله
خفوق" خفف شجونك
رسمة البسمه في ثغرك
وضحكه غابت بعمرك
تسر الكل وتسرك
تبيّح سر مكنونك
مشاعر مالها آخر
تجاه اللي عمر صابر
على ضيمه ولك قادر
يكون بدنيتك عونك
نسى ضيمه وعاش العز
من اول لحظه قلبه فز
وثبت بالعهد ما يهتز
يصونك دوم مايخونك
وعشنا بالنعيم اسنين
على عرش الغرام اثنين
سكنت الروح وقلب وعين
وصعب اعيش من دونك
وشفتك ذاتي ال ذاتي
ولك جل اهتماماتي
امانك كل اوقاتي
وكل الناس يفدونك
ضمنت الحب واتمردت
وبعته لحظه وتجردت
من شعورك ولا غردت
بهمساتك لمفتونك
وعشت شهور باهمالك
وكاسر خاطري حالك
تركت اللي تعنالك
وتبعت الشك وضنوك
حسافه الحب صار آفه
من افعال البشر عافه
حبيب" داخله شافه
نعيم وضاع بسجونك
حقيقه الحب ماينطاق
مصالح هم الم وافراق
وضاق الصدر منهم ضاق
بفعلك ضاع مضمونك
خلاص اليوم مالي حل
سوا عن عالمك ارحل
يكفيني جسد ينحل
وغصة قلب مضنونك
ياقلب ارتاح من همك
وأنسى حزنك وغمك
وبرّد بالهوا دمك
هويت اللي يخذلونك
خلاص نقفل الصفحات
ونترك كل شيئ" فات
وبكره للزمن دورات
يحسون ويعرفونك
واذا شفت الندم فيهم
يكفيك ويكفيهم
ندمهم درس يغنيهم
وعلى صبرك يهنونك
