ما زال العمر حرامي ونحنا العشقانين
لا تنعس ولا تنام خلينا سهرانين
نحكي ع ليالي راحوا وليالي باقيين
خلينا يا حبيبي انا وانت سهرانين
قبل ما شراعك يتكسر
يا قلب وبابك يتكسر
قبل ما الليل يغطي الليل
تعا تنغني ونتذكر
يا هالولدين كانوا حبيبين
سرقنا العمر بغفوة عين
قبل ما يقسى هوى تشرين
خلينا يا حبيبي انا وانت سهرانين
يا حبيبي بقلبك خبيني
وعن بكرا لا بقى تحاكيني
كتبني غنية للعاشقين
تبقى بلياليك غنيني
بيروح الليل وبيرجع الليل
وجهك بالبال يناديني
يروح الليل وبيرجع الليل
وصوتك بالبال يناديني
ما زال عارفين لوين رايحين
خلينا يا حبيبي انا وانت سهرانين
