واسع واسع مثل الملعب .. يا بحر وموجك ما بيتعب
بضل يغني ويغني .. ع شط بيركض وبيلعب
واسع وفي قلبك ياقوت .. حدودك حد السما بعيده
ما تمحي شو بنينا بيوت .. وشو كتبنا حكايات جديده
انت الواسع مثل الملعب .. موجك ما بيتعب
النجمة من شباكها الأزرق .. ليليه بتطل قبالك
والشمس بتخجل وبتغرق .. وانت بتخفيها بخيالك
انت الواسع مثل الملعب .. موجك ما بيتعب
شباك الصيادي عبيها .. صغار ولادن عم بيصلوا
رد مراكبهم واحميها .. يا بحر بهالمدى كله
انت الواسع مثل الملعب .. موجك ما بيتعب
