هلوسة
حالتي مش كويسة
هلوسة
عقلي بيبانه متربسة
هو انا مين
انا نفسي ابقي انا من سنين
انا مين
ف مرايتي شايف شخص حزين
ف دماغي دوشة رغم اني قاعد ف سكوت
عايش ف فكرة اني انا قربت اموت
سريري مبقاش سرير بقي تابوت
انا بسكنه علشان ياخدني من الضغوط
مريض نفسي متعلق بما يؤذيني
ي ضلمة انا منك خديني ضميني
حسيت مفيش غيرك انتي بتحبيني
جواكي هكمل حياتي اسحبيني
كاتم جوايا حاجات كتير مقدرش ابوح
قلبي من كتر ما اتجرح بقي مدبوح
حبست نفسي جوه اوضتي ومش هروح
بخبي وعيني بتخليني اكون مفضوح
اسرار مداريها عمري ما افضفض بيها
صعب اني اثق ف حد واقولو عليها
ف بتتراكم احزاني ومقدرش اجاريها
ف تهدني ومبقاش عارف اعمل اي فيها
هلوسة
حالتي مش كويسة
هلوسة
عقلي بيبانه متربسة
هو انا مين
انا نفسي ابقي انا من سنين
انا مين
ف مرايتي شايف شخص حزين
غريق ف حزني ومبعرفش اعوم
بقوم من نومي بلاقي قصادي الجاثوم
عمال احارب اكتئاب ويا هموم
ده اللي بيحصلي ف حياتي كل يوم
حالتي من سئ ل اسوأ من الصدمات
كل ما اقول ده غيرهم يجيلي احباط
ريحت دماغي وقطعت العلاقات
حتي اهلي بيقولو عني خلاص ده مات
انا اللي عاش لاجل غيرو يكون تمام
واول ما اديتو كل حاجه قال سلام
مبقتش اصدق ولا فعل ولا كلام
اوقات تمثيتلهم يبقي اقوي من الافلام
براويز قديمة ف اوضتي مكسورة من زمان
صور اشخاص كانو مني بقو ماضي وكان
كل ما اشوفهم بتاكد مفيش امان
باعوني وسابوني وبقي صعب النسيان
هلوسة
حالتي مش كويسة
هلوسة
عقلي بيبانه متربسة
هو انا مين
انا نفسي ابقي انا من سنين
انا مين
ف مرايتي شايف شخص حزين
