شو حلوي الألوان
من شوفا وين ما كان
أزرق لون السما / وكمان لون البحر
أزرق لون القمر / لما تشوفو بالفجر
أزرق لون الطاووس / والمكاو النشيط
أزرق لون الحوت / اللي بيغتص بالمحيط
أحمر لون الحب / والدم بالشرايين
أحمر لون الأصحاب / لما يكونو معصبين
أحمر ع الاشارة / معناتا وقوف
وأحمر نار وحرارة/ وهيدا شي معروف
أصفر متل الشمس / ألي بت ضوي عل كون
أو عرنوس درة محمص / والكنار والحسون
الموزي كمان صفرة/ وعصير الليموناضة
وبطة الحمام / والليمونه الحامضة
أخضر لون الخضرة / متل البقلي والخس
أخضر لون الدوده / لبتمشي عل لس
أخضر متل الأرزي / ومتل الديناصور
أخضر لون اللوزة / أو لوح الطبشور
أسود لون الليل / لما تفوت تنام
أسود لون الحبر / لبيطلع من ل ئلام
أسود لون الدولاب / و لون جلد الصباط
أسود لون الدبدوب / و لون السما بشباط
أبيض لون التلج / ل ببينزل بالصقيع
وبيضا نياب الضبع / والعاج اللميع
أبيض لون الورق / وفستان العروس
أبيض لون الغيمه / واللبني بالعروس
