يسرق منك الفرح يزود جواك الوجع
نبض القلب زاد كل ما زاد الوجع
بكاء العين يفضح.. بكاء القلب يدبح
ومع مرور الوقت. كل شيئ بيبان. واللي مش واضح بيوضح
بتحتاج حد جنبك ويسندك يداوي جواك الجروح
لكن بتلاقي اللي بيقف ويعاندك.. يداري جواك الطموح
كلامكم بيأثر فيا بيعليني قد ما بيوجعني بيقويني
بتوجع مابحكيش مابشكيش جوايا بحر دموع ماببكيش
بتوجع وبفضل اتوجع والوجع جوايا فضل يعيش
انا الطير اللي اتقصف ريشه اتقرش ملحه اتاكل عيشه
سايب لكم لحمي تنهشوا فيه علشان انتوا تعرفوا تعيشوا
هكون لو برضاكم هكون لو رافضني هكون لو حابني هكون لو كارهني
انا اتولدت وأخدت وسطكم مكان فاللي كاره وجودي يقاطعني
انا الشوكه اللي في حلقك علشان احسن منك باوجعك
فبتتعمد بكلامك توجعني.. فكرهك ليا اللي بيوقعك
اللي يحسسك انك مش مهم حسسه انه مش موجود
متزعلش منه النقص مرض بيه مولود
سيبتوا فيا قلب يقدر
لو بتأذوه بيقوي اكتر
سبتوا فيا ايمان بيكبر
اني هاوصل مهما يحصل
غاويين تحطيم نفوس مبدعين
كأنه نيكوتين سيجاره مشربتوهاش
للسف والاحباط انتم مدمنين
تدمير احلام حياه ما دوقتوهاش
طب انا ذنبي ايه
انا ذنبي ايه
بتحكم انت ليه
بتدمر نفسي ليه
سيبتوا فيا من وجعكم طفل مش عايز يعيشكم
شاف عيوبكم شاف مرضكم ألف مره قام عارضكم
طفل رافض غصب عنكم يبقي جزء من حياتكم
سيبتوا فيا سنين تحدي مهما قولتوا بقوم واعدي
حقدكم حقيقي انكم مش قد قدي
من نفاقكم غصب عني بلقي بيننا ألف سد
إبعدوني عن عيونكم قلبي رافض احتياكم
قلبي رافض اي حد
سيبتوا فيا قلب يقدر
لو بتأذوة بيقوي اكتر
سيبتوا فيا ايمان بيكبر
اني هاوصل مهما يحصل
هيفضلو واقفين من بعيد يتفرجوا عليك
واول ما تنجح يتلموا حواليك
ابتسم في وشهم لو كنت موجوع
كمل سكتك لو كنت ممنوع
طموحي مبيموتش
زارع جوايا امل لإحباطكم مبيشوفش
سيبتوا فيا قلب يقدر
لو بتأذوة يقوي اكتر
سبتوا فيا إيمان بيكبر
اني هاوصل مهما يحصل
