(Lefty-M)
ليه محلمش شويه اني ابقى مليونير
أركب عربيه Jaguar تكون آخر موديل
مركبش مواصلات واتشعلق في الأتوبيس
وألقي واحد لازق فيا وجو رخيص
مارحش اي حته وافضل واقف فيها كتير
انجز مصالحي بسرعه ماقفش في طوابير
لكن خايف ابقى غني واطلع شاب خنفس
لابس بنطلون Skinny وجزمه Converse
فاتح زراير القميص يجي نص متر
وكاتب علي صدره انا عندي شعر صدر
يتصور كل دقيقه ويعلق في اوضته بوستر
مسقط فيه بنطلونه ومبين البوكسر
(Badrawy)
من صغري دايماً وانا بسأل نفسي
اركب اتوبيس ليه وماركبش تاكسي
ناس كتير بتجري وتعدي
بينطو في وسطه الزحمه ويتحشروا جمبي
(Badrawy)
طول عمري نفسي ابقي مليونير
اشوف بقي نفسي وبرضه اعمل خير
مبحبش اشوف نفسي في يوم فقير
مش بس في الفلوس.. في حاجات تانيه كتير
(Lefty-M)
بحلم يكونلي جناحات واحلق فوق واطير
خدامين في كل حته وعربيه بشوفير
لو كنت مليونير كنت عملت خير كتير
اعمل دايماً الخير واساعد كل فقير
اعمل مشروع حمام في كل حي و كل حتة
عشان ماشفش واحد مديني ضهره وفاتح السوسته
لو كنت مليونير كنت اتجوزت كتير
واحل مشكلة العنوسه اللي كل يوم بتزيد
اوفر لكل شاب شقه علشان يتجوز
اكسر بوز التعاسه اكسر بوز المبوز
اشجع منتج بلدي افتح مصنع قطونيل
اوزع منه كتير اكسي.. العريانين
(Badrawy)
مش عايز اسمع كلمة يا خساره
علشان احلامي كتير وكمان جباره
اولها اني هجبلي طياره
ومارجعش استني في زحمة اي اشاره
(Badrawy)
عايز انسي معني مفيش فلوس في البنك
ولو سمحت متفولش التانك
مش عايز ارجع تاني لايام الهلك
ولا شغل مابيرحمش ومدير عايز الخنق
