انا التفكير انا التدبير
لكن ايه هيفيد منا عايش جوايه انسان اسير
اثور اسير اجري وسير مفيش تأسير
مشوار طويل بيطول كتير لكن اخره عسير
هربت نفسي من نفسي ومن كل موقف بتهرب
كل ما تقلب جد اقلبها ضحك ها ها وهرج
جلد جسمي بيتغير علي كل لون يتلون
احمر ارزق من ضرب الدنيا ليا يا زمن دون
كل ماجي اخد خطوه اخاف اخدها من نتجتها
رعب النتايج بيعبر عن نتايجها
غبائي ياما خسرني سكوتي ياما حسرني
يما رجعني زمني خدعني مليون خطوه لورا اخرني
أنا تفكير أسير زي كشكول من غير ولا صفحة
محتاج غسيل لدماغ مجاريها طفحة
الدنيا بيا اتهدت جوايه انسان متهدد
ضعفي ضعفني وبيضعفني
ضعيف جبان مليش عنوان لأني
انا الجبان اللي بايع سكوتي مشتري بثمنه موتي
انا المكان اللي كان.. اللي ادفن فيه صوتي
انا الانسان اللي مش عرفه ومش عارف اثبت وجودي
انا الجبان المتهان انا مجرد انسان ب لسان
أنا كافر بدينكم وانتم ملكمش دين
أنا كافر تفكيركم وده تفكير عبثيين
رسمولي طريق بحبر سايل وخط مايل
ميلولي طريقي مشوني الف ميل وانا شايل
فالبدن اتنحل من كتر ما اتسحل
مسبش شخصيه إلا ليها انتحل
فـ ابتدي انه يقلف عشان يزيف
الوضع بيتأيف والكل متكيف
كتفه كنفه خلص عليه انسفه
ده فكر بكر قبل ما يفتح بقه اخرسه
انا هو لما اتكلم اتشنق وكلامه عمره ما فرق
انا قوه جوه ضعف اتخلق من كتر الدخان اختنق
انا قوه فكر انا قوة شخصيه
مقابلها نحافه واضعاف جسمانيه
مش معني ده اني مليش مكان مبنكم
دون كلامي يا زماني انا فكري سابق تفكركم
قررت احرر الانسان اللي جوايا مسجون
...فا مش هاكون جوايا جبان بيحارب انسان ومش هكون
انا الجبان اللي بايع سكوتي مشتري بثمنه موتي
مش هبقا المكان اللي كان.. اللي يدفن فيه صوتي
هكون الانسان اللي عارفه وعارف ازاي اثبت وجودي
انا اللي كان جبان.. مش هكون انسان بـ لسان
مش هبقا الجبان اللي بايع سكوتي مشتري بثمنه موتي
مش هبقا المكان اللي كان.. اللي يدفن فيه صوتي
هكون الانسان اللي عارفه وعارف ازاي اثبت وجودي
انا اللي كان جبان.. مش هكون انسان بـ لسان
