أول ما نزلت ركبت و دورت التاكسي
لقيت واحد بيندهلي ياسطي رايح روكسي
أول ما ركب نام و ميل الكرسي
قلبلي بطني طول الطريق عمال يـ..
لحد ما وصلنا نزل و أخدت منه الأجره
راح راكب واحد تاني معايا رايح شبرا
وده كان حالته أصعب بكتير من اللي قبله
فضل يحكي عن علاقه غير شرعيه بصاحبه
الشعب ده هيجبلي تخلف عقلي
آسف نسيت أعرفكم بنفسي
إنسان بسيط عايش و مقضيها بظرميط
واكلها بدقه وعايش على الشاي والسميط
شغال سواق تاكسي علي أجره القاهرة
فبقى اسمه (أجرة مصر) او تاكسي العاصمه
في أجره مصر تشوف كل يوم معايا حكاوي
كلها بلاوي حوارت تعمل في الجو رغاوي
(x2)
معايـا تاكسي 2 حصان بس اجـدع مالكارته
لافـف شوارع مصـر شبـر شبـر.. حته حته
بسمع هـاوس لـوطني وتياستـو وديفـيـد جيتا
مالآخر سواق تاكسي يعني دايس مش بافيتّة
مش هتكلم علي تاكسي العاصمه لأنه تاكس
بس بالذمه في تاكسي لونه لون العدس
مش هتكلم علي المرور ولا الطرق الواقفه
لأن كل ما آجي أجيب السيره آخد مخالفه
في كل حته مطبات وفي كل حته كمين
هلحقها من Uber ولا من Careem
يادوب سواق تاكسي أيوه علي قد حالي
ماشي فوق الرصيف عشان اربي عيالي
أخدو التاكسي بتاعي وحكموا عليه بالإحلال
علشان قديم قليل الحيله طول اليوم شغال
يلا في داهيه ما بقى كركيبه ماشي بيلق
عمال يقف كل شويه وانا افضل أزق
فقلت امشي علي رجلي وبراحتي اتنطت
فاجبت عربيه كارو بحمار مخطط
علي الأقل مش هياكل زيت ولا بنزين
آخره ياكل فول حصاوي ومعاه برسيم
(x2)
معايـا تاكسي 2 حصان بس اجـدع مالكارته
لافـف شوارع مصـر شبـر شبـر.. حته حته
بسمع هـاوس لـوطني وتياستـو وديفـيـد جيتا
مالآخر سواق تاكسي يعني دايس مش بافيتّة
