هو: شايفه ايه جوا مرايتك
شايفه نفسك و لا نفِسك
و لا بتحاولي تلاقيها
و لا بتداري ف حقيقتك
هي : شايفة صورة نفسي طفلة
وردة بس لسه قافله
حابه نفسي بس كارها
اي حاجة بتيجي عليها
هو: طب قوليلي شايفة ايه
شايفة قلبك عاوز ايه
و لا عايزة تهمشيه
بصه واحدة طاب عليه
هي : شايف قلبي جوا حيرة
بنت واحشاها الضفيرة
و مخوفاني اي حاجة
تافهة كانت او كبيرة
هو: عارفة ايه هي وجعيتك
انك انتي شوفتي نفسك
في المرايا و نسيتيها
بصي تاني هاتلاقيها
الاتنين: طول ما خايفين م الحقيقة
مش هنرتاح لو دقيقة
هي صعبة كمان و مره
بس بتنجي الحقيقة
