في غمضة شي يقلب حياتك؛ كدا على طول

ما تدري ايش تسوي في نفسك؛ ما تدري ايش تقول

بس هيا كدا الدنيا يا صاحبي، يوم لك و عشرة عليك

يا تكون قوي و ما تضعف ليها، يا انها راح تآذيك

لا تستلم، لا تستسلم

للدنيا دي

عيش بفرحة و ابتسم

و كلو حيعدي

عيش

حالتك حالة ، الوضع متدهور و منت لاقي حل

كأنك اخترت اصعب مستوى و انتا لسا في السهل

تبغا توقف، تبغا تشرد. خايف من الحقيقة

وقف و اسأل نفسك ليش خايف، و فكر فيها بس دقيقة

لا تلت و تعجن في افكارك

و كل شي جوابو لا

لا تخلي طعم الحياة ليمون

و هيا فراولة

عيش

ايام ما عدت؟ طيب عديها؛ و عيش قبل لا تموت

بتضيع وقتك زعلان و بتفكر؛ اسمعني و عيش مبسوط

الدنيا حلوة، كل لك حبحب، و خدلك هرجتين.

عيش الحياة، هاكونا ماتاتا. ترا كلنا ميتين

لا تفكر في الماضي،

عدى خلاص انساه

حق و واجب على نفسك يبويا

انك تعيش الحياة

عيش