في عز مشاكلي و ضيقاتي
مطمن مابقلقشي
طول ما انت موجود في حياتي
عارف اللي جاي الخير
مين اللي يخاف و انت جنبه
ده حد أكيد ماجربشي
أكيد لو حس بيك قلبه
مش هايتعب في التفكير
و عشان انت اللي ابقي لي
و لا شئ في الدنيا يسوالي
انت اللي عارف أحوالي
انا بُعدى دفعت تمنه كبير
انت اللي بتنقذ الفاضل
مش ممكن عنك اتنازل
و انا غير وجودك مش قابل
خلاص ضيعت وقت كتير
وفى عز فرحى وسعادتى
عينى عليك ماتشلشى
ده فى قربك اسعد اوقاتى
و نصره دايمه علي الشرير
مين اللي يحزن وانت قابله
ده حد أكيد ماجربشي
أكيد لو سلملك عمره
مش هايقبل يبقي أسير
و عشان انت اللي ابقي لي
و لا شئ في الدنيا يسوالي
انت اللي عارف أحوالي
انا بُعدى دفعت تمنه كبير
انت اللي بتنقذ الفاضل
مش ممكن عنك اتنازل
و انا غير وجودك مش قابل
خلاص ضيعت وقت كتير
----------
كلمات : نانسي صالح - محب جمال
موسيقي : فادي طلعت
شيللو : جان بشري
