لو تفهميني .. قصّري
كل الكلام اللي هقوله عارفة بيه
لو تسمعيني .. تقدّري
هان عليكي اللي عملته ليكي ليه
لو بالسكوت .. هتعبّري
يبقى تعتبريني ميّت ولا ايه
لو بس اهو .. تفكّري
هبقى ليكي مستمع كضيف نزيه
لو هنحكي .. يلا نحكي
يمكن الكلام يجيب واطيه عاليه
لو هنبكي .. يلا نبكي
اللي يجرى يجرى يعني هيحصل ايه
لو بغني .. دا مش غنا
ده الكلام اللي داريته كام سنة
لو بهزر .. ده مش هزار
مش بيطلع مني غير كلام كبار
لو انتي غاوية .. تتمنظري
تبقي نجمة وانا ابقى ليكي فان كبير
لو انتي ناوية .. تتهوري
انا في مباديء الجنان أكيد ضليع
لو ع الأمان .. بتدوّري
انا وحش سيما مغرم كان شجيع
آن الأوان .. تنوّري
اللي باقي من حياتي ليه يضيع
